अशी घ्या काळजी पैठणीची

• पैठणी साडी नेहमी सरळ, घडी घालून ठेवावी. पॅकिंगसाठी मिळणाऱ्या प्लास्टिक कव्हरमध्ये ओलावा अडकून रेशीम खराब होऊ शकतं. पैठणी कॉटन कव्हर किंवा मलमलच्या कपड्यात ठेवणे उत्तम.
• साडी दीर्घकाळ एकाच घडीवर ठेवल्यामुळे काठ किंवा पदरावर कायमची रेषा पडू शकते. त्यामुळे प्रत्येक ६–८ महिन्यांनी साडीची घडी बदलून परत ठेवावी.
• तुम्ही परफ्यूम वापरणार असाल तर तो साडीवर मारणार नाही याची काळजी घ्या. कारण झरी आणि रेशीमावर केमिकल्सचा परिणाम होऊन रंग आणि पोत खराब होतात.
• साडी नेसून झाल्यावर ती काही वेळ उघड्यावर पसरून ठेवा. पण, कडक उन्हात ठेवलेली पैठणी फिकट होऊ शकते. हवा खेळती असेल अशा सावलीत साडी वाळवावी.
• पैठणी नेसताना दागिने साडीवर अडकणार नाहीत याची थोडी काळजी घ्या. कारण जरीत अडकून धागे निघू शकतात.
• पैठणी घरात धुतल्यास झरी, रंग आणि रेशीमाचं नुकसान होऊ शकतं. त्यामुळे ही साडी नेहमी ड्राय क्लिनच करावी.
• इस्त्री करताना शीमासाठी नेहमी लो-हीट किंवा स्टीम इस्त्री वापरावी. साडीवर थेट इस्त्री न लावता त्यावर कापड टाकून इस्त्री करा.
• पैठणी साडी हॅंगरवर टांगणे टाळा- कारण काठ आणि पदर ताणले जाऊ शकतात. त्यामुळे साडीचं सौंदर्य कमी होऊ शकतं.
• प्रवासादरम्यान पैठणी साडी बरोबर नेताना गारमेंट बॅग वापरा. त्यामुळे साडी सुरक्षित राहण्यासाठी मदत होईल.
• साडी खूप दिवस वापरली नसेल तर हवा दाखवा — 2–3 महिन्यांनी काही मिनिटं पसरून ठेवा.

योग्य काळजी घेतली तर पैठणीचं सौंदर्य वर्षानुवर्षे अबाधित राहतं. तिच्या प्रत्येक धाग्यात असलेली मेहनत, कौशल्य आणि परंपरा जपण्यासाठी हे उपाय अत्यंत उपयुक्त आहेत.